Majům swoje ekstra macki a wůniajům mamům. Tako spůmogajům małe bajtle we inkubatorach. Ôźmiyrnice bydům teroźnie uozdowane tyż we rudzkim lazarycie bajtlům, kere urodziůły sie rychlij jak miały.

 

Wihtor to jedyn ze nojmyńszych dziecek na tym ôddziole. Wele niego, przi inkubatorze je s nim mama, kero jednako niý moge być bliży bajtla, chocioż by chciała. Jednako teroźnie juże take bajtle majům przi sia ôźmiyrnice. Wszysko skiż tego, co rudzki lazaryt sztartnůł ze akcjům charytatywnům, kero widziano je we cołki Europie.

 

Cołki knif je blank leki do spokopiynio. Nojprzůd tako ôźmiyrnica je ryncznie uheklowano. Sům łůne kolorowe a spůminajům niýjako pympowina, beztuż bajtle niý ściepujům ze siebie medik wichajstrůw. A dziynka tymu, co nojprzůd sům łůne bez jakiś czos u mamy, to wůniajům a spůminajům łůne tym małym nojbligszego im czowieka.

 

Coby jednako to wszysko bůło zicherne, same ôźmiyrnice sům ekstra ôbsztalowane dlo kożdego bajtla. Tak, coby jak nojgibcij umieli dů nij nabadać a bezto drabcij nabiyrać druku a zdrowio. Czego im wszyskim życzymy.

 

KOMENTARZE